На 9 јуни се одбележува Светскиот ден на акредитацијата и по тој повод Институтот за акредитација на Република Северна Македонија (ИАРСМ) приреди пригодна свеченост.
Оваа година одбележувањето на денот на акредитацијата беше под мотото: Поддршка на иднината на глобалната трговија.
На настанот, на Институтот за јавно здравје официјално му беше доделен сертификатот за реакредитација на лабораториите за тестирање.
Дополнително, на нашата институција и беше врачена и Плакета во знак на благодарност за долгогодишната соработка со ИАРСМ, како и заслужено признание како една од институциите кои беа предводници во имплементација на акредитацијата во државата на самите почетоци.
