СЕКОЈ ИМА ПРАВО НА ЗДРАВО СРЦЕ !
Секоја година, 17,9 милиони луѓе умираат од кардиоваскуларни заболувања (КВБ), вклучувајќи срцеви заболувања и мозочен удар. Најчести причини за појава на овие заболувања се: пушење, дијабетес и висок крвен притисок, кои афектираат голем број луѓе од различни возрасни групи и географски региони.
Но, без оглед на причината, веруваме дека секое чукање на срцето е важно.
БИДИ ХЕРОЈ НА СРЦЕТО #worldheartday
Институт за јавно здравје на Република Северна Македонија, Ве поканува на 29 септември 2019 (недела) со почеток од 8,30 часот до 13,00 часот во Градскиот парк кај Школка во Скопје на дружење, програма со вежби и совети, како и бесплатно одредување шеќер, холестерол во крвта, индекс на телесна маса, мерење на крвниот притисок, давање стручни совети во врска со здравствената состојба, флаери и друг вид здравствено-едукативен материјал. На настанот ќе се делат и подароци, како придонес од Институтот за јавно здравје, Хемофарм, НВО Здрава иднина и др.
Ве очекуваме!
