Në këtë Njësi bëhet testimi i cilësisë dhe rregullshmërisë shëndetësore të produkteve kozmetike në përputhje me Ligjin për Sigurinë e Produkteve Kozmetike G. Zyrtare nr. 55/07, Rregulloren 1223/2009, Listën e produkteve që konsiderohen si produkte kozmetike G. Zyrtare nr. 156/2007; Listën e substancave që kristalizohen gjatë prodhimit të produkteve kozmetike G. Zyrtare nr.89/2010; Listën e konservansëve përdorimi i të cilëve lejohet në produktet kozmetike G. Zyrtare nr.89/2010; Rregulloren për përmbajtjen dhe mënyrën e etiketimit të produkteve kozmetike G. Zyrtare nr.98/2010 Rregulloren për kriteret e pastërtisë mikrobiologjike dhe kimike të produkteve kozmetike dhe metodat e kontrollit të këtyre kritereve G. Zyrtare nr.94/2010 dhe Rregulloren për lëshimin në treg të gjësendeve për përdorim të përgjithshëm G. Zyrtare 26/83.

Në këtë Njësi konfirmohet përshtatshmëria e specifikimeve për cilësinë dhe qëllimin e synuar të produkteve për ruajtjen e higjienës në amvisëri në përputhje me këto rregullore ligjore: Rregullorja për lëshimin në treg të gjësendeve për përdorim të përgjithshëm G. Zyrtare 26/83; Rregullorja për të dhënat për përmbajtjen e detergjenteve që duhet të shënohen në paketim, si dhe rregullat e përgjithshme dhe të veçanta për etiketimin e paketimit të detergjenteve G. Zyrtare nr. 84/2011; Rregullorja për listën e të dhënave për përmbajtjen e detergjenteve G. Zyrtare nr. 84/2011, Urdhri për ndalimin e prodhimit, shitjes dhe përdorimit të detergjenteve për larjen me makinë të produkteve tekstile me përmbajtje fosfori në formë organike ose inorganike me më shumë se 0.5% të peshës.

Në këtë Njësi kryen analiza me kërkesë të Inspektoratit Shtetëror Sanitar dhe Shëndetësor dhe Inspektoratit Shtetëror të Tregut, si dhe bëhet lëshimi në treg (dhënia e certifikatës së rregullshmërisë shëndetësore) i produkteve nga grupi i produkteve kozmetike.