Центарот на референтни лаборатории претставува оранизационо-техничка единица која ги обединува сите лаборатории во ЈЗУ ИЈЗ на РМ. Лабораторискиот сегмент на активностите и задачите на ИЈЗ пропишани со Законот за јавно здравје на РМ во целост се реализира во Центарот на референтни лаборатории. Организацијата, работните задачи, овластувањата и одговорностите на вработените се регулиратни со Статутот (последна измена, фебруари, 2009) и Правилникот за внатрешна организација и систематизација на работните места на ЈЗУ ИЈЗ на РМ (последна измена, јули 2009).
Лабораториските тестирања се изведуваат во согласност со важечките национални и меѓународни стандарди и прописи, при што се води постојана грижа за потребите и барањата на кориснците и континуирано зголемување на нивото на доверливост на резултатите.
Квалитетот во изведување на лабораториските анализи во Центарот на референтни лаборатории се обезбедува преку изготвување и почитување на усогласени професионални стандарди и упатства, континуирано професионално усовршување на вработените во областа на јавното здравје, имплементација и одржување на лабораториски систем за управување и акредитација на лабораториите.
Центарот на референтни лаборатории го сочинуваат:
1. Биолошки лаборатории
- Лабораторија за прием на биолошки материјали, подготовка на подлоги и диспозиција на инфективен отпад
- Лабораторија за бактериологија и антимикробна резистенција
- Лабораторија за вирусологија и молекуларна дијагностика
- Лабораторија за паразитологија
- Лабораторија за санитарна микробиологија
- Лабораторија за хематолошко – биохемиски испитувања
2. Хемиски лаборатории
- Лабораторијата за испитување квалитет на храна
- Лабраторија за испитување на води
- Лабораторија за контаминенти и еко-токсикологија
- Лабораторија за испитување на метали
- Лабораторија за испитување на здравствена исправност на предмети за општа употреба
3. Радиолошки лаборатории
- Лабораторија за радиоекологија
- Лабораторија за јонизирачко зрачење
- Лабораторија за нејонизирачко зрачење
|
|||||||
